Цени на горивата на Балканот, кој плаќа најмногу?
Цените на горивата во Македонија во последните 30 дена пораснаа во просек од 20 денари. Дизелот поскапе за 23,5, а бензинот за 17 денари. Претворени во евра, дизелот чини 1,78, а бензинот 1,83.
Но како Македонија се носи со цените во споредба со регионот?
Црна Гора има убедливо најевтини горива и таму дизелот се точи по цена 1,58 евра, а 1,68 евра е бензинот. Следна е Босна и Херцеговина кадешто и дизелот и бензинот имаат речиси идентична цена. Дизелот се точи 1,74, а бензинот 1,73 евра.
Во Србија, на пример, дизелот е поскап од бензинот. Таму едно литро дизел чини 1,78, а едно литро бензин 1,69 евра.
Убедливо најскапи горива имаат Косово и Албанија. Во Косово дизелот чини 1,89, а бензинот 1,91 евра. Кај нашиот западен сосед цената на дизело е 2,16, а бензинот 1,96 евра.
За споредба со Германија на пример, која е една од водечките економии во Европа, таму дизелот се точи за 2.05 евра, додека бензинот за 1.89 евра.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
