Царовска: Со здравјето на граѓаните нема компромис

За нас здравјето на граѓаните е најважно и со тоа прашање нема компромис. Владата предводена од СДСМ направи значајни чекори и оствари големи задачи. Но, за да може да продолжиме со исто темпо во наредниот период потребна е Влада со политички мандат и потребно е сите демократски институции во еден демократски систем да бидат ставени целосно во функција, за да можеме уште подобро,уште поквалитетно и поинклузивно да се справуваме со сите предизвици кои ги имаме денес, но и кои следуваат, оцени Мила Царовска, носителка на Изборната единица 1 на Коалицијата „Можеме“, предводена од СДСМ, по денешниот координативен состанок со кандидатите за пратеници во скопскиот регион.
Таа нагласи дека и домашните и меѓународните експерти зборуваат дека оваа здравствена криза нема да заврши ниту денес, ниту наредниот месец и дека со неа ќе мора да се навикнеме да живееме. Затоа,  неопходен е полн политички капацитет на Владата. Да  носиме нови политики и сите институции да може да се справат со предизвиците на современото живеење кое што ни следува по оваа криза.
„Токму заради тоа, почитувајќи ги сите протоколи со сите насоки на здравствените работници, сметаме дека треба што поскоро, според условите од здравствената ситуација, да излеземе на фер и демократски избори.
Ја користам оваа можност да се заблагодарам на сите здравствени работници коишто неуморно работат со цел да го заштитат нашето здравје и да ја заштитат нашата држава од можна ескалација на кризата. Но,  исто така сакам да се заблагодарам и на комуналните работници, на вработените во маркетите коишто не служат и кои ги почитуваат протоколите, со цел заштита на сопственото здравје и здравјето на нивните семејства“ додаде Царовска.
Од исклучително значење е, објасни таа, во наредниот период  заеднички да се трудиме да ја задржиме оваа координирана заштита на здравјето на граѓаните, поради тоа што граѓаните кои ги почитуваат мерките придонесуваат кон системот кој не дозволува проширување на оваа криза во нашата држава.
„Заеднички како тим во наредниот период заедно со Никола ќе работиме и во промоција на тоа како треба да се користи заштитната опрема, но исто така ќе ги споделуваме и сите оние активности и мерки коишто беа превземени, на пример како да се спречи отпуштањето на работници, како да се поддржат компаниите во оваа социо-економска криза.  Но, исто така направивме многу мерки, имплементиравме многу активности коишто значат директна заштита на граѓаните коишто се ранливи се со цел да не одат во продлабочување кон сиромаштија во која живееле претходно“, рече Царовска.

 

 

 

Добивајте вести на Viber

23.05.2020 - 14:36

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега