Бугарскиот обвинител: Немаме докази за експлозија

Бугарското обвинителство на денешната прес-конференција ги отфрли наводите дека во автобуската несреќа имало експлозија. Она што сведоците го сметале за експлозија било нешто сосема друго.

„Се појавија и вести дека катастрофата би можело да е предизвикана од експлозија. До овој момент немаме докази за експлозија. Никакви. Таа таканаречена експлозија, којашто ја слушнале сведоците, тоа се сведоци, работници на патот, е впрочем исклучително силниот удар на автобусот во десната банкина“, кажа на денешната прес-конференција Сарафов.