Британски експерт: Вакцинираните луѓе пак можат да го шират вирусот
Вакцинираните против Ковид-19 треба да продоложат да ги следат мерките за „локдаун“ бидејќи може да го пренесат вирусот и на други лица, предупредува главниот британски специјалист за грип, професорото Џонатан Ван-Там.
Појаснува дека научниците сѐ уште не го знаат влијанието на вакцината врз трансмисијата. Тој вели дека вакцините нудат надеж, но оти стапките на инфекции мора брзо да се намалат.
Ван-Там рече дека ниту една вакцина никогаш не била 100 отсто ефикасна, така што нема гарантна заштита.
Предупреди дека е можно некој повторно да се зарази во вирусот две до три недели откако ќе ја прими вакцината.
„ Дури и откако ќе ги примите и двете дози на вакцината, сепак може да му пренесете Ковид-19 на некој друг и синџирите на пренесување ќе продолжат. Ако го промените однесувањето, се уште би можеле да го ширите вирусот, да го одржувате високиот број на случаи и да ги изложувате на ризик другите, на кои исто така им е потребна вакцината, но се подолу во редот за вакцинација“ нагласува професорот Ван-Там.
Докторите ги повикаа здравствените власти во Англија да го намалат јазот помеѓу првата и втората доза на вакцината Фајзер-БионТех. Максималното чекање беше продолжено од три на 12 недели со цел да се добие првата доза на повеќе луѓе низ Велика Британија.
Но, Британското лекарско здружение соопшти дека политиката е „тешко да се оправда“ и дека јазот треба да се намали на шест недели, бидејќи постои загриженост дека вакцината може да стане помалку ефикасна.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа