Британците воодушевени од потегот на Новак: “Каков господин, ова ретко се гледа”

Цел свет го виде моментот кога Кејт Мидлтон му го предаде пехарот на Новак Ѓоковиќ, но малкумина обрнаа внимание на еден потег на српскиот тенисер кој ја воодушеви јавноста.

Имено, како што се забележува на снимката, Ѓоковиќ ѝ приоѓа на војвотката од Кембриџ, а пред да го преземе пехарот, тој ѝ се поклонува, почитувајќи го протоколот и правилата на однесување кон кралското семејство. 

Овој гест, секако, не поминал незабележано и на официјалниот профил на Кејт и Вилијам.

“Фактот дека дури и луѓето кои не се Британци ѝ се поклонуваат на нашата војвотка докажува колку сме среќни што ја имаме. Сите ја сакаат и почитуваат!”, “Совршен наклон на Ѓоковиќ”, “Каков галантен победник, со стил. Тој е вистинско освежување и вистински господин!”, “Толку се полни со почит едни кон други!”, се само дел од коментарите на воодушевените гледачи.

Кога му дошол редот на Федерер, тој од Кејт добил тапкање по рамото и пофалба на сметка на играта. Инаку, Федерер уште одамна ја раскажал анегдотата која се случила во текот на запознавањето со британската кралица.

“Не знаев како треба да се однесувам, па затоа го прашав Новак што да правам бидејќи изгледаше како тој да знае. Ми објасни, а јас бев последен во редот за запознавање, па гледав што прават останатите”, бил искрен Роџер.

 

 

 

Добивајте вести на Viber

17.07.2019 - 14:57

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега