Борел излегува од самоизилација, негативен е тестот на ковид-19
Шефот на дипломатијата на ЕУ Жозеп Борел денеска соопшти дека добил негативен резултат на коронавирус и дека излегува од самоизолација.
Тој беше во самоизолација од 13 октомври, по информацијата дека член на делегацијата на ЕУ со кого минатата недела патувал во Етиопија, бил позитивен на Кковид-19.
– Минаа седум дена откако последен пат бев во контакт со позитивна личност, а тестот што го направив вчера беше негативен, рече Борел.
Тој го продолжи својот карантин по информацијата дека белгиската министерка за надворешни работи Софи Вилемс и шефот на дипломатијата на Австрија Александар Шаленберг, кои минатиот понеделник присуствуваа на состанокот на Советот на ЕУ со кој претседаваше Борел, се позитивни на коронавирусот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа