Битиќи: Доколку е потребно и во 2021 година ќе продолжи финансиската поддршка за исплата на платите
Финансиската поддршка за исплата на платите во стопанството заради проблемите предизвикани од корона кризата ќе продолжи и во 2021 година доклку е потребно, потврди денеска вицепремиерот за економски прашања Фатмир Битиќи.
-Законското решение е направено така што ако е потребно и ако се види во ноември или на почетокот на декември дека таа помош е потребна за стопансвото во првиот период од 2021 година, секако дека ќе може да биде продолжена, рече Битиќи во одговор на прашање на денешната прес-конференција во Владата преку видеоврска.
Тој нагласи дека будно се следи ситуацијата и оти се во секојдневна комуникација со стопанските комори и додаде дека ќе бидат тука за да им излезат во пресрет на барањата на компниите доколку увидат дека е тоа потребно.
Прашан дали Владата рзмислува да прифати времен додаток за гарантираната минимална помош, односно нејзино зголемување, Битиќи рече дека ако е потребно ќе се зголеми минималната поддршка за исплата на плати.
-Ние веќе го подготвуваме Буџетот за 2021 година и адекватно ќе испланираме одредени финансиски средства за тоа, зашто е очигледно дека економскоздравствената криза нема да заврши на 31 декември и да има јасен пресек дека од 1 јануари ќе почне се нормално да се одвива како што беше претходно. Ќе испланираме одредени средства, а и законските решенија се креираат да излеземе во пресрет ако тоа е нужно и ако тоа го одлучиме дека е потребно да го направиме во делот на јавноприватниот дијалог со сите чинители кои се дел од Економскосоцијалниот совет, потенцира Битиќи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа