Бајден: Во Украина испраќаме оружје вредно милијарда долари
Американскиот претседател, Џо Бајден, оствари телефонски разговoр со украинскиот колега, Володимир Зеленски, пред најавата дека САД ќе испратат нов пакет воена и хуманитарна помош за Украина.
„Повторив дека САД силно ја поддржуваат Украина, која ја брани нејзината демократија и нејзиниот суверенитет и територијален интегритет, кои се загрозени од неиспровоцирана руска агресија“, порача Бајден во соопштение објавено од Белата куќа.
„Го информирав претседателот Зеленски дека САД ќе испратат уште еден пакет безбедносна помош за Украина вреден милијарда долари, кој вклучува артилерија и оружје за одбрана на брегот, напредни ракетни системи и артилериска муниција што им е потребна на Украинците за нивните одбранбени операции во Донбас“, нагласува американскиот претседател.
Бајден и Зеленски последен пат телефонски разговараа во април.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
