Арсенал ќе се обиде да го врати Ремзи

Арсенал ќе се обиде да го врати Арон Ремзи само една година откако фудбалерот одлучи да замине и да ја продолжи кариерата во Јувентус.

Италијанскиот шампион го привлече Велшанецот како слободен агент, но 29-годишниот играч од средниот ред има потешкотии да се прилагоди во Серија „А“. Пред една недела, „Тутоспорт“ излезе со информации дека Ремзи може да го напушти Јуве во текот на летото.

Од почетокот на сезоната, играчот од средниот ред има само 19 натпревари за Јувентус, повеќето од нив како резерва.

Сепак, Маурисио Сари го бранеше Велшанецот пред денешното полуфинале со Милан во Купот на Италија, велејќи дека играчот ја враќа довербата, иако му беше тешко да се прилагоди по неговиот долг престој во Премиер лигата.

Ремзи помина 11 години во Арсенал, одигра 371 натпревар и постигна 64 гола за лондонскиот тим.

 

 

 

Добивајте вести на Viber

13.02.2020 - 23:46

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега