Апелација ја потврди пресудата за „Диво Насеље“

Апелацискиот суд ја потврди првостепената пресуда за случајот „Диво Насеље“, односно сега и правосилно се осудени обвинетите, од кои седумина на доживотен затвор. Информацијата за „Фокус“ ја потврди судијата Сафет Кадриу.

Покрај осудените на доживотен затвор, за терористичкиот напад во кумановско Диво Насеље, 13 обвинети добија казна од 40 години затвор, 20 години петмина обвинети, две години помалку доби еден обвинет, а по двајца обвинети добија казна затвор од 14, 13 и 12 години.

Четворица од обвинетите, пак добија и ослободителна пресуда бидејќи како што пред две години истакна судијката Верка Петровска, а сега и Апелација потврди, обвинителството не доставило доволно докази.

Во терористичкиот напад во Куманово во 2015 година беа убиени осум припадници на МВР, а четириесетина беа повредени.

 

 

 

Добивајте вести на Viber

17.09.2019 - 16:42

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега