Актерката од најпознатиот хорор филм пронајдена мртва под неразјаснети околности
Ѕвездата на легендарниот хорор филм „Прстен“, 40-годишната јапонскатктерка Јуко Такеучи, e пронајдена мртва во нејзиниот стан во Токио.
Полицијата започнала истрага, а според пишувањето на медиумите, оваа наградувана актерка, мајка на две деца, најверојатно извршила самоубиство.
Телото на актерката го пронашол нејзиниот сопруг, исто така актер, Таики Накабајаши, а лекарите во болницата можеле само да ја констатираат нејзината смрт, пренесуваат медиумите.
Такеучи беше позната актерка во Јапонија, а најпозната нејзина улога е во јапонскиот хорор филм „Прстен“ од 1998 година. Таа се здоби со светска популарност во 2018 година, играјќи во серијата „Мис Шерлок“ во продукција на ХБО.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа