Владика Тимотеј: СПЦ нема намера да го реши црковниот проблем со МПЦ-ОА

Српската православна црква (СПЦ) нема сериозна намера да го реши црковниот проблем со МПЦ-ОА, а тој нејзин став не е променет веќе неколку години, смета митрополитот дебарско-кичевски г. Тимотеј.

- Постои голема веројатност на мајскиот собор на СПЦ да биде отворено прашањето за натамошното делување и решавање на црковниот спор со МПЦ, но искрено не верувам дека на тој собор ќе биде постигнат некаков договор, го пренесува „Слободен печат“ владиката Тимотеј.

За барањето на МПЦ-ОА за заедничко сослужување со БПЦ, вели дека тој потег е паметен и би донел само позитивни работи.

- Не знам дали заедничкото сослужување со МПЦ би предизвикало каква било штета или последици за БПЦ поради тоа што сослужува со црква која е надвор од единството, но на тоа прашање нека размислува бугарскиот црковен врв, истакнува г. Тимотеј.

 

 

 

13.02.2018 - 13:57

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа