Уште еден земјотрес почувствуван во Македонија
Денеска на пладне во 12:06 часот е регистриран земјотрес на територија на Македонија.
Земјотресот е со интензитет од 2.1 степени според Рихтеровата скала, а епицентарот на земјотресот бил во Леуново, кај Маврово на длабочина од 3 километри.
Земјотрес вчера бешe почувствуван во Маврово, Гостивар, Дебар и Кичево.
Станува збор за потрес со јачина од 2,8 степени, кој беше регистриран во 1 часот и 20 минути во епицентралното подрачје Тетово-Гостивар, односно на 65 километри југозападно од Скопje. Земјотресот бешее почувствуван во Маврово, Гостивар, Дебар и Кичево со јачина од три степени според Европската макросеизмичка скала, информираше Сеизмолошката опсерваторија при Природно-математичкиот факултет во Скопје.
Завчера земјотрес од 2.1 степен беше почувствуван во Битола. Епицентарот беше на 18 километри од градот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа