Тројца мртви во нападот во училиште во Ново Мексико

 Три лица го загубија животот во денешниот напад во средно училиште во американската сојузна држава Ново Мексико, вклучувајќи го и напаѓачот.

Шерифот Кен Кристесен изјави дека три лица, за кои се верува дека се ученици, се мртви во нападот во училиштетот Азтек. Тој не прецизираше дали напаѓачот е дел од тие три лица. Од друга страна, шефот на локалната полиција Мајк Хил, изјави дека три лица се мртви, вклучувајќи го и напаѓачот, но не соопшти дали станува збор за ученици или возрасни лица.

Локалните медиуми информираа дека во нападот има десетина повредени.

Локалната полиција реагираше по информацијата за пукотница во средното училиште, по што околните улици беа блокирани, а образовната установа евакуирана. И останатите школи во околината беа евакуирани и затворени.

Засега не е познато дали напаѓачот бил ученик, вработен или лице од надвор. Исто така, не се познати ни мотивите за нападот. 

 

 

 

07.12.2017 - 19:18

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа