Поплави во Грција - се извлекуваат заглавени луѓе и автомобили

Многу куќи, патишта и автомобили се поплавени во поројните дождови што деновиве го зафатија јужниот дел на Грција.

Стариот пат од Атина до Коринт кај Неа Перамос утрово е претворен во река, и на него се заглавени повеќе автомобили. Грчката државна агенција АНА-МПА јави дека ситуацијата е слична и на новиот пат. Во тек е операција за извлекување на автомобилите и патниците кои се заглавени во водата.

Противпожарната служба добила повеќе од 160 повици за помош откако биле поплавени повеќе домови и автомобили во градот Мегара.

Од почетокот на неделава Грција е погодена од лошо време, кое според метеоролозите се очекува да продолжи до недела, а бурата „Евридика“ ги погоди островите и повеќе области во континенталниот дел на земјата.

 

 

 

15.11.2017 - 09:17

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа