Полицијата синоќа упадна во локали во тетовско

 

Четири странски и седум македонски државјанки биле затекнати при полициските акциски контроли што изминатата ноќ околу 1 часот по полноќ биле извршени во два угостителски објекти на тетовското подрачје информираше портпаролот на СВР Тетово Марјан Јосифовски.

Според неговите податоци контролите била со цел откривање на странски државјанки кои го злоупотребуваат нивниот туристички престој во Македонија како и лица по кои се трага.

Во угостителскиот објект „Баци“ во Боговиње сопственост на 33-годишниот Н.Ш. од ова тетовско село полицијата затекнала три албански и една државјанка на Косово како и четири женски лица од земјава на возраст од 22 до 36 години кои во објектот биле ангажирани како пејачки и танчерки.

- Затекнатите женски лица и сопственикот Н.Ш. биле приведени во СВР Тетово по што странските државјанки биле задржани и предадени на Отсекот за прекуграничен криминал, миграции, странци и реадмисија за натамошна постапка, рече Јосифовски.

Во другиот контролиран угостителскиот објект „Ердо“ што се наоѓа на патот за Брвеница не биле затекнати странски туку само три македонски државјанки.

 

 

 

07.12.2017 - 12:51

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа