Напад врз полицијата - има жртви

 Во петкратниот самоубиствен напад врз седиштето на полицијата во градот Гардез во источен Авганистан десетици лица се убиени или ранети, соопштија авганистанските власти.

За нападот на пет бомбаши самоубијци одговорноста ја презедоа талибанците, чиј портпарол Забихулах Муџахид тврди дека повеќе од сто полицајци се убиени и ранети. 

Нападот почна околу 6:30 часот изутрината, кога еден бомбаш активираше експлозив пред седиштето на полицијата во Гардез, главен град на провинцијата Пактија, изјави портпаролот на Министерството за внатрешни работи, Наџиб Даниш. 

По експлозијата на влезот се упатија уште четворица напаѓачи. Дениш изјави дека двајца полицајци се убиени, а петмина се ранети. 

Меѓутоа лекарите во градската болница велат дека загинале најмалку пет лица, додека ранети се 30, меѓу кои и цивили.

 

 

 

 

18.06.2017 - 11:23

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа