На што може да се надева Македонија после поразот?

Ракометната репрезентација на Македонија имаше победа в рака против Чешка, но ја прокоцка. Иако ракометарите водеа со шест гола во еден интервал од натпреварот, на крајот загубија со 24-25.

Манасков имаше шанса да донесе реми од пенал, но сепак, не успеа да погоди откако Галиа го фати неговиот пенал на самиот крај од мечот.

Поради неуспехот, Македонија ги загуби шансите за полуфинале и единствено може да се надева на меч за петтото место.

Најдобар стрелец беше Хорак со осум гола, а го следеше Каспарек со шест, додека кај Македонија, Филип Талески заврши со пет гола, а Велковски, Стоилов и Мируловски запишаа по четири гола.

Македонија наредниот натпревар го игра за неполни 20 часа, кога се среќава со Данска, од 18.15 часот, во „Вараждин Арена“.

 

 

 

23.01.2018 - 22:47

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа