Македонските кошаркари „бегале“ од торнадо во Виена

Кошаркарската репрезентација на Македонија требаше да има лесен пат до Братислава, откако беше предвиден лет до Виена, а потоа автобуски да стигне до словачкиот главен град. Сепак, ситуацијата се искомпликува поради лошите временски услови во Виена, поради што летот доцнеше уште при тргнувањето од Скопје.

Откако авионот полетал, биле добиена информација за торнадо во близина на австриската метропола. Поради ова како што кошаркарите се приближувале до Австрија, така и турбуленциите станувале се посилни, за на крајот да биде решено авионот да биде пренасочен за Грац.

Таму повторно следело чекање од неколку часа, по што нашиот национален тим стигнал до Виена, од каде конечно се упатил и кон Братислава.

Оставајќи го торнадото зад себе, македонските кошаркари ќе одиграат две контролни средби со селекцијата на Словачка, по што ќе се вратат назад во Скопје, за последната фаза од подготовките во пресрет на претквалификациите за СП 2019 што ќе се одржи во Кина.

 

 

 

10.07.2017 - 23:39

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа