Македонија во снег - каде натрупа најмногу?

 

Највисока снежна покрива од 71 сантиметар утрово е измерена во Маврово, а најмногу дожд на метар квадратен наврнал во Охрид.

Како што соопшти УХМР, во осум часот утринава измерени се 51 сантиметар снег во Лазарополе, 48 Пожаране, 46 Крушево, 17 Тетово, 16 Ѓуриште, 15 Охрид, 7 Претор, 4 Дебар, 2 Крива Паланка и еден сантиметар во Берово.

Во изминатите 24 часа најмалку наврнат воден талог е измерен во Струмица три, следат Штип со шест, Виница, Демир Капија и Берово со седум, Битола осум, Тополчани, 11 Дојран, 12 Прилеп, 13 Крива Паланка, 18 Скопје, 19 Ѓуриште, 20 Гевгелија, 26 Претор, 27 Тетово, 28 Крушево, 30 Лазарополе, 42 Дебар и Пожаране 44.

Изутринава во Македонија преовладува променливо облачно време на планините и на некои повисоки места има слаби врнежи од локален снег. Дува умерен, а наместа и засилен ветер претежно од северозападен правец, во струмичкото подрачје брзината на ветерот достигнува до околу 60 км/час.

 

 

 

14.02.2018 - 09:03

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа