Како изгледа светот преку очињата на бебе во првата година од нивниот живот (видео)

Ако досега сте се прашувале дали бебињата можат да ве распознаат, колку всушност е добар нивниот вид и кои бои прво ги распознава еве го одговорот.

Децата кога ќе се родат, не гледаат речиси воопшто – разликуваат светло и темно, се' им е како во магла и гледаат црно-бело.

За нивниот вид да се разбистри, и за малку подобро и во боја да го гледаат светот околу себе си, на бебињата им е потребно малку повеќе време.

Всушност, оптичките нерви кај тукушто родените бебиња не се целосно формирани, а и на мозокот му треба време за да созрее како би можел да ги процесира сите дразнења коишто доаѓаат до него.

Токму затоа, британскиот очен хирург Ромеш Ангунавела направил интересен GIF којшто ни покажува како се менува видот кај едно мало дете од моментот на раѓањето па се' до неговиот прв роденден.

- Визуелниот кортекс на мозокот зазема речиси третина од целиот мозок и влијае на обработката на “поплавата” од визуелни информации со коишто се пресретнува од моментот кога очите ќе се отворат за прв пат, објаснува доктор Ангунавела.

Инаку, бебињата започнуваат да ги гледаат боите околу себе си со навршени три месеци, при што црвената е прва којашто успеваат да ја идентификуваат.

 

 

 

13.09.2017 - 19:04

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа