Грчкиот претседател ги одликуваше младите ракометарки и ја обвини Македонија за иредентизам

Грчкиот претседател Прокопис Павлопулос вчера повторно ја повика Република Македонија „да престане да шири ирентизам со кој си го поткопува својот европски пат“.

Павлопулос вчера ја прими кадетската женска ракометна репрезентација, која на почетокот од месецов се повлече и не го одигра натпреварот со македонската решрезентација од Европското првенство, затоа што нашите ракометарки носеа дресови на кои пишува „Македонија“.

Тој им честиташе на грчките ракометарки за потегот со кој, според него, „ја одбраниле татковината и спортот“.

- Вистинскиот спортски дух не е со согласност со таквото грубо фалсификување на историјата, што всушност носи иредентистички аспирации, и го крши меѓународното и европското право, рече Павлопулос.

 

 

 

23.08.2017 - 10:07

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа