Граѓанското движење против осиромашување: Нема да дозволиме преку покачување на даноци да се осиромашат граѓаните

Граѓанското движење против осиромашување, денеска потсети дека имаат 3 конкретни барања до владата.

-Првото барање е, владата безусловно и јавно да се откаже од планот за било какво зголемување на даноците, бидејќи зголемувањето на даноците ќе влијае на зголемување на трошоците за живот и за осиромашување на компаниите и граѓаните. Второ, бараме намалување на даноците и трошоците за придонеси од 27 на 25 посто. Трето, владата да се откаже од непродуктивни трошоци како на пример, од зголемени средства за привремени вработувања, храна, репрезентации, за сметка на зголемување на капитални инвестиции, градба на патишта, училишта, градинки, поддршка на стопанството, истакна денеска Жарко Здравковски, член на Движењето.

Од владата има молк по однос на овие наши граѓански барања, очигледно дека зголемувањето на даноците е нивна единствена опција за која работат, соопштија од Движењето и упатија апел до Владата.

-Упатуваме апел и ултиматум како граѓанско движење, владата да се произнесе во рок од 24 часа, во спротивно ќе пристапиме кон различни мерки и опции за граѓански отпор и протест за кој дополнително ќе одлучиме. Нема да дозволиме преку покачување на даноци да се осиромашат граѓаните.

 

 

 

17.07.2017 - 17:15

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа