Големо невреме во Задар: За два часа наврнаа речиси 190 литри дожд

Обилните дождови во Задар утрово предизвикаа големи поплави во домовите и подрумите на жителите.

Метеоролошката станица Задар соопшти дека од 8.00 до 10.00 часот во градот наврнале околу 190 литри дожд на метар квадратен, што е двојно повеќе од просечните месечни врнежи од дожд (98 литри на метар квадратен).

 

Поради силното невреме неколку училишта ја прекинаа наставата, а делови од Задар се без електрична енергија.

Пожарникарите и работниците од локалниот водовод работат на терен.

Невремето вчера ја зафати Истра, а денеска се прошири кон Задар.

Причина за поројните дождови е голем облак што се „залепил“ за Велебит, а бидејќи нема ветер облакот е статичен, полн е со влага и од него врне дожд.

– Моментно облакот е како „мала нуклеарка“, истакна шефот на Метеоролошката станица во Задар, Анџелко Видовиќ, додавајќи дека невремето ќе потрае до доцна попладнето.

 

 

 

11.09.2017 - 12:08

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа