Голем температурен шок, студеното време ќе трае до...

Времето  утре во Македонија ќе биде сончево со мала до умерена облачност. Во попладневните часови облачноста ќе се намалува. Ќе дува слаб до умерен северозападен ветер.

Утринската температура ќе се движи од минус шест до три, а дневната од девет до 17 степени.

Во Скопје ќе биде сончево со мала до умерена облачност и со слаб до умерен северен ветер. Утринската температура ќе се спушти до минус два, а дневната ќе достигне до 15 степени.

Во недела повторно ќе има засилен северен ветер особено во северните делови и в долж Повардарието. Во недела попладне ќе се зголеми облачноста и ќе има услови за појава на слаб краткотраен дожд, а преку ноќта на планините појава на слаб снег.

Од понеделник утринската температура полека ќе се покачува, а во вторник наутро се очекуваат позитивни утрински температури насекаде. Дневните температури од недела брзо ќе се покачуваат и покрај повремените наоблачувања до крајот на следната работна недела ќе надминуваат 20 степени пред се на југот од земјата. 

 

 

 

21.04.2017 - 16:47

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа