„Бомбата“ на Ристовски недоволна за да се победи Шпанија

Македонската фудбалска репрезентација доживеа пораз од Шпанија од 1-2 на арената „Филип Втори“ во Скопје во рамки на 6.коло во квалификациите за Светското првенство во Русија 2018 година.

„Црвената фурија“ го демонстрираше својот квалитет и по првите 45 минути водеше со 0-2. Резултатот за гостите го отвори Давид Силва, а вториот погодок беше дело на Диего Коста, по асистенција на Иско.

Македонија единствениот погодок го постигна во 66-тата минута и тоа на фантастично атрактивен начин. Пандев одлично проигра во празно, а нашиот репрезентативец откако го претрча Серхио Рамос испрати вистинска „бомба“ кон голот на Шпанија и немоќниот Давид де Геа.

Селекторот Игор Ангеловски во финишот ги отвори картите и се обиде со сите напаѓачи да дојде до реми, сепак Шпанија беше пресилен противник за да дозволи Македонија да погоди за реми.

 

 

 

12.06.2017 - 08:06

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа