Атхимандритот Јоаникиј Ракотински прогласен за светител

Архимандритот Јоаникиј од Ракотинци денеска во Соборниот храм „Св.Климент Охридски“ во Скопје е прогласен за светител.

По тој повод во храмот се одржа литургија со која чиноначалствуваше архиепискотот Охридски и Македонски г.г. Стефан во сосолужение на сите членови на Архиерејскиот синод на МПЦ и свештенство од сите епархии на МПЦ.

Беше осветена и иконата на Јоаникиј Ракотински.

Одлуката на САС на МПЦ-ОА за впишување на Јоаникиј Ракотински во списокот на светиите ја прочита епископ хераклејски Климент.

Денешниот датум на официјалната канонизација ќе биде впишан во календарот на МПЦ.

Претходно, во осум часот од мостот „Гоце Делчев“ тргна свечена литија со моштите на преподобниот Јоаникиј Ракотински кои беа пренесени во соборниот храм.

 

 

 

24.09.2017 - 10:30

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа